പുനര്ജനി പദ്ധതിയുമായി ബന്ധപ്പെട്ട വിജിലന്സ് റിപോര്ട്ടിന്റെ വിവരങ്ങള് പുറത്ത്. പ്രതിപക്ഷ നേതാവ് വി ഡി സതീശനും മണപ്പാട്ട് ഫൗണ്ടേഷനും തമ്മില് അവിശുദ്ധബന്ധമാണ് ഉള്ളതെന്നാണ് റിപോര്ട്ടില്. ഇതു സംബന്ധിച്ച വിവരങ്ങള് മലയാളം മാധ്യമമായ ട്വന്റി ഫോറാണ് റിപോര്ട്ട് ചെയ്തത്. പുനര്ജനി സ്പെഷ്യല് അക്കൗണ്ട് വഴിയും മണപ്പാട്ട് ഫൗണ്ടേഷന്റെ എഫ്സിആര്എ കറന്റ് അക്കൗണ്ട് വഴിയും പണം സ്വീകരിച്ചു.
പണം സ്വരൂപിച്ച മിഡ്ലാന്ഡ്സ് ഇന്റര്നാഷണല് എയ്ഡ് ട്രസ്റ്റും, പണം നാട്ടിലേക്കയച്ച മണപ്പാട്ട് ഫൗണ്ടേഷനും തമ്മില് യാതൊരു വിധ എംഒയുവും ഒപ്പുവെച്ചിട്ടില്ലെന്നും വിജിലന്സ് റിപോര്ട്ടില് പറയുന്നു. ഒമാന് എയര്വെയ്സ് നല്കിയ കോംപ്ലിമെന്ററി ടിക്കറ്റ് ഉപയോഗിച്ചാണ് വി ഡി സതീശന് യുകെയിലേക്ക് പോയതും തിരികെ വന്നതും. മണപ്പാട്ട് ഫൗണ്ടേഷന് ചെയര്മാന് അമീര് അഹമ്മദാണ് സതീശന് വേണ്ടി കോംപ്ലിമെന്ററി ടിക്കറ്റ് തരപ്പെടുത്തിയതെന്നും റിപോര്ട്ടില് പറയുന്നു.
